تستمر وزارة النقل، ممثلة في الهيئة القومية لسكك حديد مصر، مناشدتها للمواطنين خلال التعامل مع مرفق السكة الحديد، والسلوكيات الصحيحة لعبور شريط السكة الحديد أثناء مرور القطارات.
وتقوم الهيئة القومية لسكك حديد مصر، من خلال صفحاتها الرسمية عبر وسائل التواصل الاجتماعي، بتقديم العديد من الارشادات للمواطنين حول السلوكيات الصحيحة أثناء عبور شريط السكة الحديد.
وجاءت إرشادات الهيئة القومية لسكك حديد مصر، كالتالي: «من فضلك خلي بالك، القطار مش لعبة، وسرعته أكبر مما تتخيل … مش هيقف فجأة عشان حد يجري يعدي قدامه، فكرة إنك «هتلحق تعدي» دا أخطر وهم ممكن تصدقه، لحظة من التهور ممكن تكتب نهاية حياة».
وتابعت، «لكل واحد مننا … أم منتظرة رجوع ابنها، أولاد محتاجين حضن أبوهم، بيت كامل ممكن في لحظة يخسر أغلى ما فيه. تفتكر مستاهلة نخاطر بكل ده عشان نوفر دقيقة ولا اثنين؟»
واختتمت، «من فضلك متعديش شريط السكة من أي مكان، واستنى عند المزلقان … سيب القطر يعدي وانتظر شوية… ولا نندم طول العمر؟ حياتك غالية… وناس كتير بيستنوا رجوعك بالسلامة».
