«التذكرة غالية ولا توجد خدمة».. استياء من ركاب قطار «البريميم» بعد تشغيله على خط الصعيد

نسيم فريد فبراير 6, 2026

قامت الهيئة القومية لسكك حديد مصر، خلال الأيامن القليلة الماضية، بتشغيل عدد 2 قطار بعربات (نوم / Premium)، حيث تقرر تشغيل قطار رقم 1090 بعربات مختلطة (نوم / VIP PREMIUM) من القاهرة إلى أسوان، على أن يعمل أيام السبت والإثنين والأربعاء من كل أسبوع، بجانب تشغيل قطار رقم 1091 بعربات مختلطة (نوم / VIP PREMIUM) من أسوان إلى القاهرة، على أن يعمل أيام الأحد والثلاثاء والخميس من كل أسبوع.

واستاء عدد من ركاب القطار بعد تشغليه بأيام قليلة، حيث جاءت شكوى أحد ركاب القطار كالتالي: «انا بقدم شكوي رسمي من القطر رقم 1091، انا حجزت قطر انهارده من اسوان للقاهره في الشباك قالولي ده قطر توب في اي بي و احدث و افخم قطر بريميم».

وأضاف، «سعر التذكره 700 جنيه زي التالجو تقريبا و اغلي من ابو الهول اللي ب 500 جنيه.. (ولما اتسال وزير النقل ليه الاسعار بنعلي كل شويه قال علشان نحافظ علي التطوير ).. لما جه القطر طلع قطر قديم و متهالك مفيش مياه في أغلب الحمامات مفيش صابون ولا مناديل القاعده مكسوره و اقل من القطر ال في اي بي العادي اللي ارخص منه بكتير و مفيش ولا فيشه شغاله ولما جابو بتاع الصيانه قالهم فاصلين من امبارح اعمل ايه و الباب بتاع العربيه مش بيقفل كويس و. الشباك بيسرب سرسوب هوا و كل ما تكلم حد مسؤل في القطر يقول منعرفش ده قطر جديد».

وتابع، «واول رحله له و اتفاجئنا زيكم و لما توصلوا اشتكوا معني اشتكيت من قبل ما القطر ما يتحرك في محطه اسوان و لما كنت هروح اعمل محضر إثبات حاله في مباحث المحطه كان القطر هيمشي و يسبني و المسؤولين رفضوا يحلوا المشكله».

وأضاف: «بس للاسف الحقيقه اني القطر ده قطر عادي اقل من ال في اي بي العادي و اتحط كسوه علي كراسي بتاعته و كسوه كلها وساخه اصلا و بقي سعره اغلي من الفي اي بي و بيقوله إنه بريمير.. هل ده قطر بريميم أو ينفع عادي حتي والمفروض في اجانب بتركب فيه !!».